Madaxweynaha Dowlad goboleedka Hirshabeelle Mudane Cali Guudlaawe Xuseen ayaa maanta kulan la qaatay safiirka dalka Imaaraadka Carabta u fadhiya Soomaaliya danjire Mohamed Ahmed Othman Al Hammadi.
Madaxweynaha iyo Danjiraha ayaa iska wareystay xaaladaha guud ee dalka gaar ahaan Arrimaha Hirshabeellle sida amniga, dardargalinta iyo taageerida howlgalada lagu baacsanayo cadowga argagixisada ah ee ka socda deegaannada Hirshabeelle.
Labada masuul ayaa sidoo kale kawada hadlay dhibaatooyinka adag ee ka jira deegaanadii dhowaan laga xureeeyay Al Shabaab , gurmadka abaaraha iyo sida Imaaraadka Carabta uu Hirshabeelle uga taageeri lahaa kor u qaadida mashaariicda Horumarinta.
Madaxweynaha ayaa uga mahadceliyay safiirka iyo Dowladda Imaaraadka Carabta taageerada ay siiyaan Soomaaliya iyo sida ay Hirshabeelle uga taageeri lahaayeen howlaha muhiimka ah ee hortabinta u leh.
Xafiiska Shabakada Allbanaadir.com
Muqdisho Somalia
[email protected]