Mareykanka ayaa weerar ku qaaday ciidamada xulafada la ah dalka Iran ee ku sugan dalka Ciraaq, kadib markii diyaarad aan duuliye lahayn ay weerar ku qaaday saldhig ay Ciraaq ku leeyihiin ciidamada Mareykanka .
Weerar lagu qaaday saldhigga ciidamada Cirka ee Erbil waxaa ku dhaawacmay saddex askari oo ciidamada Mareykanka katirsanaa, waxaana la sheegay in mid kamid ah askarta dhaawaca ah uu ku jiro xaalad halis ah.
Madaxweynaha Mareykanka Joe Biden ayaa amar ku bixiyay in la duqeeyo saddex goobood oo ay isticmaalaan kooxda Kataeb Hezbollah iyo kooxaha xiriirka la leh Ciraaq, sida uu bayaan uu soo saaray ku sheegay afhayeenka golaha ammaanka qaranka Mareykanka Adrienne Watson.
Watson ayaa sheegtay in weeraradu “si gaar ah diiradda u saareen dhaqdhaqaaqyada diyaaradaha aan duuliyaha lahayn ee hawada”.
“Madaxweynuhu ma siinayo mudnaan ka sareysa ilaalinta shaqaalaha Mareykanka ee u adeegaya dariiqa waxyeelada,” ayay tiri. “Mareykanku wuxuu ku dhaqmi doonaa waqti iyo qaab aan dooranay haddii weerarradan ay sii socdaan.”
Dhinaca kale Xoghayaha Difaaca Mareykanka Lloyd Austin ayaa sheegay in ay qaadayaan weeraro lama huraan ah , si hoos loogu dhigo awooda kooxaha caadeestay in ay weeraraan saldhigyada Mareykanka ku leeyahay Ciraaq.
“Aniga iyo madaxweynaha waxaan wadaagi doonaan inaan qaadno tillaabada lagama maarmaanka ah si aan u difaacno Mareykanka, ciidamadeena iyo danahayada. Ma jirto mudnaan sare.” ayuu yiri Austin.
Taliska dhexe ee Mareykanka ayaa sheegay in qiimeyn hore ay muujinayaan in duqeymo jawaab ah oo Mareykanka qaaday ay burburiyeen xarumo ay leeyihiin kooxda Kataeb Hezbolla, sidoo kale lagu dilay dagaalyahanno kooxdaasi katirsan.
Xafiiska Shabakada Allbanaadir.com
Muqdisho Somalia
[email protected]