Published: October 12, 2023
Hoggaamiyaha Turkiga ayaa sheegay in go’doominta Israa’iil iyo werarada aan kala joogsiga lahayn ee Gaza ay yihiin jawaab-celin aan habboonayn oo ku aaddan weerarka Xamaas.
Madaxweynaha Turkiga Recep Tayyip Erdogan ayaa cambaareeyay go’doominta iyo duqeynta Israa’iil ay ku heyso marinka Gaza ee go’doomiyay , isagoo ku tilmaamay mid xasuuq ah.
Isagoo baarlamaanka kula hadlayay xubnaha xisbiga talada haya ee AK Party Arbacadii, Erdogan wuxuu sheegay in xitaa dagaalku uu lahaa “anshax” laakiin soo ifbaxa tan iyo usbuuca dhamaadkii uu “aad u jabiyay” taas.
“duqaynta guryaha ay ku nool yihiin dadka rayidka ah iyadoo la adeegsanayo hab kasta oo xoog ah – maaha dagaal, waa xasuuq,” ayuu yiri.
“Waxaan si cad uga soo horjeednaa dilka dadka rayidka ah ee lagu dilay dhulalka Israa’iil. Sidoo kale, marnaba ma aqbali karno xasuuqa lagu xasuuqayo dadka aan waxba galabsan ee aan is difaaci karin ee Gaza, iyadoo loo geysanayo duqeyn aan loo meel dayin, oo joogto ah,” ayuu yiri Erdogan
Falastiiniyiinta ayaa ku dhibaataysan go’doominta Israa’iil ee Gaza. Duqaymaha cirka ee Israa’iil ayaa lagu dilay in ka badan 1,100 qof, halka 250,000 oo kalena ay ku barakaceen, sida ay sheegeen saraakiisha Qaza. Guud ahaan xannibaadda ayaa sidoo kale jaraysa sahaydii cuntada, biyaha iyo korontada.
Horseed Media