Dagaal ayaa maanta ka socda degaan lagu magacaabo Jiic-Boor oo ka tirsan gobolka Mudug kaasoo u dhexeeya labo maleeshiyo beeleed.
Wararka ayaa sheegaya inay halkaas ku dagaallamayaan maleeshiyooyin ka soo kala jeeda Puntland iyo Galmudug gaar ahaana Galdogob iyo Bandiiradley.
Dagaalka ayaa bilowday kadib markii maleeshiyaad ka yimid dhinaca Bandiiradley ay afduubteen haweeney iyo carruur ay dhashay oo ka soo jeeda degaanka Galdogob.
Ugu yaraan lix ruux oo labada dhinac ah ayaa ilaa iyo hadda ku geeriyooday dagaalka halka in ka badan 15 kale ku dhaawacmeen.
Ma jiraan ilaa hadda warar ku saabsan dagaalkan oo ka soo kala baxay maamulada Puntland iyo Galmudug oo labada maleeshiyo ay ku kala abtirsadaan.
– Advertisement –