Madaxweynaha dowlad goboleedka Puntland Mudane Siciid Cabdullaahi Deni, ayaa maanta kormeeray Taliska ciidanka Daraawiishta Puntland ee 54-aad, oo dib-u-dayactir iyo qalabeyn lagu sameeyay.
Xaruntan oo ah mid taariikhi ah maadaama ay tahay halkii lagu qabtay Shirkii lagu Aasaasay Puntland, ayaa Madaxweynaha Dowladda Puntland oo hore kormeer ugu yimi amray in dib-u-dhis iyo dayactir lagu sameeyo, Lana qalabeeyo dhammaan xafiisyada .
Madaxweynaha ayaa maanta kormeeray qeybaha kala duwan Xarunta, habka loo dhisay iyo sida loo qalabeeyay xafiisyada kala duwan , wuxuuna warbixin ka dhegaystay Saraakiisha iyo Masuuliyiinta kale ee Xarunta.
Dib-u-dhiska xarumaha maamulka Puntland waxay qeyb ka ahayd siyaasadda Madaxweyne Deni, iyo balan qaadyadii Madaxweynaha ee hirgalay taasi oo siweyn ay u boggaadiyeen Bulshadu.
– Advertisement –