Hargeysa(Dawan):-Mareeyaha Madbacada qaranka Maxamuud Raage Ibraahim ayaa sheegay in ay tahay wax aan la aqbali karin gacan ka hadalkii ka dhacay Shirarkii ka dhacay Hargeysa iyo Burco oo ay qabsadeen Dhalinyarada Beesha bariga Burco.
Maxamuud Raage Ibraahim ayaa tilmamay in ay ceeb tahay Dhallinyaradu ay isku dilaan Hutelada,waaxaanu intaa ku daray in fikirka lagu kala duwanaan karo.
Maxamuud Raage Ibraahim oo Arimahaasi ka hadlayayna.Waxa uu yidhi”25 ilaa 28 kii bishii Nofember waxa dhacay Magaalada Burco shir ku qabsaday beesha Habar Jeclo,waxaana ka soo baxay go,aamo waxaana soo gabogabeeyay Suldaanka guud faalooyin badan ayaa la sheegay shirkaas. aniga oo arkaya khaladaadka socda waxa aan go,aan saday in aanan ku dhex milmin beelaha,fikirka waa lagu kala duwanana karaa wixii ka dhacay Shirarkii Hargeysa iyo Burco ka dhacay ee dhalinyarada Beesha Habar Jeclo wax la aqbali karo maaha,waxa aan cambaaraynayaa cid kasta oo shirarkaas ka dambaysay waa ceeb in Caruurtu hoolasha isku dilaan,waxa aan leeyahay meel xun ayay idika gashay hadii wax qaloocan jiraan waa layska toosiyaa wixii amniga waxa fiican in Xukuumadda loo daayo,”.
Related