Ciidamada booliiska ee ka howlgala saldhigga degmada Kaaraan ayaa howlgal ay sameeyeen kusoo qabtay nin lagu eedeeyay in uu kamid ahaa ahaa gaangistarada kunool Kaaraan, kaa oo dil u geestay nin shacab ah uu ka dhacayay telfoon.
War kasoo baxay taliska booliiska gobolka Banaadir ayaa lagu sheegay in ninkan ay ciidamada qabteen toorey ku dilay marxuum lagu magacaabayay Salaad Maxamuud Cabdulle, kaa uu ka dhacayay telfoon xilliga uu dilka u geesanayay.
Booliiska ayaa sheegay in ninkan gacankudhiiglaha ah isaga oo baxsad ah lagu qabtay xaafada Jamhuuriya ee degmada Kaaraan, waxa ayna booliiska sheegeen in ninkan loo gudbin doono maxkamadda ciidamada.
Ciidamada booliiska ee ka howlgala gobolka Banaadir ayaa maalmihii lasoo dhaafay kordhiyay howlgalada ka dhanka ah burcada hubeesan ee dadka dhaca iyo dilka u geesta iyo sidoo kale ciyaalka weerada.
Xafiiska Shabakada Allbanaadir.com
Muqdisho Somalia
[email protected]