Sacuudiga oo digniin adag u diray dadka Sharci darada kusoo galaya magaalada Makka

Wasaaradaha Xajka iyo Cumrada iyo Wasaaradda Arrimaha Gudaha ee Boqortooyada Sacuudi Carabiya ayaa uga digay muwaadiniinta iyo dadka ku nool magaalada Maka in ay magaalada soo galiyaan kuwa aanan heysan ogolaasha la xiriira Arrimaha Xajka, iyagoo xusay inay taasi ka dhalan doonto ciqaab adag, waxayna muwaadiniinta ugu baaqeen inay ka fogaadaan si aanan loogu ciqaabin taasi.

Wasaaradda Xajka iyo Cumrada ayaa Baraheeda Bulshada ku soo bandhigtau Muuqaalo muujinaya Ololaha ay Kooxahooda wada-jirka ah ee Wasaaradda Arrimaha Guduhu ku doonayaan inay ku soo qabtaan Dadka ku xad-gudbay shuruucda dalka, kuwaas oo u ololaynaya Xajka Been-abuurka ah, iyagoo la hadlay dadka doonaya inay soo gutaan Xajka ayay dhaheen : Doorashadu adigay hortaada tahay! Xajka caadiga ah, fududeeyay oo aad u hoggaansanto ogolaanshaha oo aad hesho adeegyo; Ama la hareer maro xeerarka oo waajihi doona ciqaab”.

Wasaaradda Arrimaha Gudaha ee Sacuudiga ayaa dhankeeda baraheeda bulshada ku sheegtay: “Ciddii u qaada dadka jebiya xeerarka iyo awaamiirta xajka ee aan helin ogolaanshaha xajka waxaa lagu ciqaabi doonaa ganaax, xarig iyo labadaba, waxayna ku nuuxnuuxsatay, lagama maarmaanka ah in la dhawro awaamiirta iyo awaamiirta xajka oo saldhig u ah ilaalinta amniga iyo badbaadada martida Alle.

“Waxaa xusid mudan in ciddii ku xad gudubta awaamiirta iyo awaamiirta Xajka iyagoon fasax ka haysan muwaadiniinta, dadka deegaanka iyo dadka soo booqdaba ay muteysan doonaan ganaax dhan (10,000) Riyaalka Sacuudiga ah, in dadka ku dhex nool loo tarxiilo dalalkooda, iyo in laga mamnuuco inay soo galaan Sacuudiga sida uu dhigayo. xilliyada uu sharcigu qeexayo”.

Sidoo kale kuwa ku xadgudba sharuucda ogalaasha Xajka Waxa kale oo lagu xukumi doonaa, si lamid ah cid kasta oo qaadaysa dadka ku xad-gudbay awaamiirta xajka bilaa fasax ayaa warbixinta lagu sheegay in lagu qaadi doono xukunno adag oo kamid tahay masaafurinta haddii uu yahay qurbe-joog, iyadoo laga mamnuuci doono dal ku galka Boqortooyada si waafaqsan muddada nidaamka.

Xafiiska Shabakada Allbanaadir.com
Muqdisho Somalia
[email protected]

– Advertisement –